-- ADVERTISEMENT --
Wala giuyonan sa Office of the Prosecutor sa International Criminal Court (ICC) ang hangyo ni kanhing Pangulong Rodrigo Duterte nga temporaryo kining buhi-an samtang nagapadayon ang imbestigasyon batok kaniya.
Giinsistir sa prosecution nga dili matud pa angay ang interim release tungod sa kabug-at sumala pa sa mga kasong giatubang ni Duterte nga adunay kalambigitan sa gikaingong mga krimen batok sa katawhan (crimes against humanity) ilawom sa iyahang kampanya nga “giyera kontra droga.”
Wala pa magpagula og desisyon ang ICC, apan gilauman nga magpagula kini og pahayag sa umalabot nga mga adlaw.
