Gikumpirma sa Philippine Statistics Authority (PSA) nga medyo misaka ang inflation rate sa Pilipinas sa bulan sa Setyembre.
Subay sa report nga gipagawas ni PSA National Statistician ug Undersecretary Dennis Mapa, gipahayag nga ang inflation rate nisaka ngadto sa 1.7 porsyento sa bulan sa Setyembre.
Mas taas kini kumpara sa 1.5 porsyento nga natala sa miaging bulan nga Agosto.
Ang punoang hinungdan sa pagsaka sa inflation mao ang paspas nga pagtaas sa presyo sa mga produktong petrolyo sama sa gasolina ug diesel.
Gawas pa niini, nisaka usab ang presyo sa mga gulay, ilabi na ang kamatis, nga nakatampo sa pagsaka sa inflation.
Gawas sa kamatis, naobserbahan usab ang pagtaas sa presyo sa mantika.
Sa pikas bahin, mibaba ang inflation rate alang sa pipila ka mga produkto sama sa baboy, isda, ug itlog.
Gipahibalo usab sa PSA nga ang average inflation rate nagpabilin sa 1.7 porsyento.
