Paspas ang pagsaka sa presyo sa mga palaliton ug serbisyo o ang inflation rate sa nasud niadtiong bulan sa Oktobre.
Gitin-aw ni Philippine Statistics Authority (PSA) chief USec. Claire Dennis Mapa, nag-una nga hinungdan sa pagsaka sa kinatibuk-ang inflation niadtong nakalabay nga bulan mao ang paspas usab nga tinuig nga pasaka sa presyo sa heavily-weighted food ug non-alcoholic beverages nga naa sa 2.9% gikan sa 1.4% niadtong Setyembre 2024.
Apil pud sa nakatampo sa pagtaas sa inflation ang transport nga adunay mas luya nga year-on-year nga pag-ubos nga naa sa 2.1% niadtong Oktubre 2024 gikan sa 2.4% niadtong Setyembre 2024.
Samtang, nag-una usab nga hinungdan sa pagsaka sa food inflation ang paspas nga pagsaka sa presyo sa bugas nga naa sa 9.6% niadtong Oktubre gikan sa 5.7% niadtong Setyembre.
Samtang, gikanayon usab ni NEDA Secretary Arsenio Balisacan nga nagpabiling nakasulod sa target ang inflation rate sa nasud luuo sa dyutay nga pagsaka niini karong bulana.
Sumala pa niini, naghatud ug dakong epekto sa supply sa pagkaon ug logistics ang bag-uuhay lamang ngakalamidad nga miigo sa nasud apil na ang bagyong kristine.
