DAVAO DE ORO- Mikunhod ngadto sa 3.4% ang inflation rate sa Davao de Oro alang sa bulang Hunyo kung itandi sa bulan sa Mayo, ning tuig kasamtangan.
Sa datos nga gipaguwa sa Philippine Statistics Authority Davao, ang maong posyento ang mas gamay kung itandi sa 4.5% nga inflation sa bulan sa mayo ug 5.5% nga infltion sa susamang panahon kaniadtong tuig 2023.
Kini nagpasabot sa 1.1% nga pag-ubos sa presyo sa mga nag unang serbisyo ug palaliton sa probinsya.
Sumala pa nga ang tinubdan sa maong pagkunhod mao ang paghinay sa tinuig nga year-on-year nga presyo sa mga pagkaon ug non-alchoholic beverages lakip na ang pag-ubos sa presyo sa isda, seafoods, cereal products susama sa mais ug karne.
Nakatampo usab matud pa ang pag-ubos sa presyu sa housing, water, electricity, gas ug other fuel commodity groups.
Gumikan niini, malaumon ang probinsyal nga panggamhanan sa Davao de Oro sa pagpadayon niini sanglit dakong tabang kini alang sa mga adunay kalisod nga kasinatian sa pagbudget og pagkaon sa pamilya.
