DAVAO CITY – Plano karon sa konseho ning dakbayan sa Davao partikular na sa committee on cultural communities nga iduso ang pagpatuman sa indigenous peoples’ health desk sa Southern Philippines Medical Center (SPMC) aron masolusyonan ang “language barrier” sa mga hospital staff ug sa unom ka mga IP groups nga aanaa dinhi sa siyudad.
Una ng gibutyag ni konsehal Halila Sudagar, mandatory IP representative sa konseho ning siyudad nga gi-asikaso na karon sa committee on cultural communities ang kamugnaan sa unom ka mga posisyon alang sa IP social welfare consultants.
Ang maong consultants maong makighinabi sa Ata, Klata, Kagan, Matigsalog,Tagabawa, ug Obo-Manuvu nga buot makaangkon sa serbisyo sa SPMC.
Gibutyag sab sa City Social Services and Development Office (CSSDO), nga aduna nay mga social workers nga gikan sa IP groups nga maoy magpasabot sa mga nahisgutan kalabot sa mga benepisyo nga alang sa lumad ug adunay katakos sab ang mga nahisgutan nga makaluwat sa ilang mga pinulongan.
