DAVAO CITY – Mabulokon ang gipahigayon nga pamulak sa kadayawan o floral floats kagahapon nga gama sa nagkadaiyang sizes.
Ang tinuig nga Pamulak sa Kadayawan ang usa sa mga highlights sa selebrasyon diin gipakita niini ang mga nagkadaiyang floral floats nga gama sa mga indigenous materials, mabulokon nga mga bulak, bountiful harvest ug kultura sa onse ka mga tribu sa dakbayan.
Ang Kisan Lu Lands and Development Inc. midaug sa Pamulak sa Kadayawan alang sa Dako Category ug nauli ang P700,000.
Anaa sab sa second prize ang IPI Pharmaceuticals Inc. nga nakadawat ug P500,000 ug 3rd prize winner ang float sa AirAsia, diin nakadawta kini ug P50,000 cash prize.
Samtang ang Krispy Kreme ug VXI Global Holdings nakadawat sab ug consolation prizes. Sa Gamay Category, ang Teleperformance nakakuha sa first prize nga kantidad sa P300,000, second prize ang Camella Homes uban ang P200,000 ug SnR entry nga nakaangkon sa third prize uban ang P100,000 cash prize.
Ang Agdao Public Market (Flower Sector) ug Palawan Pawnshop nakadawat ug P30,000 isip consolation prizes. Sa Lahi Category Davao, ang Horse Club nakadaug ug P100,000; second prize nga P50,000 ang naangkon sa Dabawenyo UK Corporation ug 3rd prize nanagkon sa Man’s Bestfriend uban ang P30,000 nga premyo.
Samtang sa Pitik Kadayawan drumbeating competition midaug Asuncion Drumbeaters nga nakaangkon ug P200,000; 2nd place ang Caraga Drumbeaters uban ang P150,000 ug 3rd placer ang Bambad National High School nga nakaangkon ug P100,000.
Ang 4th placer nauli sa Davao Eagle Drumbeaters ug 5th placer ang Mati National Comprehensive High School nag susamang nakaangkon ug P50,000 isip consolation prizes.
