DAVAO CITY – Gidagsang sa mga Dabawenyyo ang Indak-Indak sa Kadayawan 2022 kagahapon diin napuno kini sa kasikas ug kasadyang hatud sa napulo ka mga grupo gikan sa mga managlahing tulunghaan ug lugar sa Davao ug Mindanao.
Nagpasundayag ug una ang mga paticipating groups sa mga nag-unang kadalanan sa Magsaysay ug Roxas usa pa ang nahimong engradeng panag-atbang sa entablado sa San Pedro Square.
Sa school based category, nagpabiling overall champion ang Bernardo D. Carpio National High School Performing Ensemble ug nakuha nila ang P1 million grand prize.
Nakuha sab nila ang tanang special awards sama sa Best Mask, Best Choreographer, ug Best Music.
Samtang nahimong 2nd place ang Sta. Ana National High School Performing Arts Guild;
third place ang Dona Carmen Denia National High School;
TESDA Region 11 isip fourth place winner;
ug Mabini National High School Apo Duwaling Dance Company isip fifth placer.
Sa open category, nadag-an sa Sindac Anib Performing Ensemble sa Bislig City, Surigao del Sur ang kampyonato ug ang P1 million grand prize.
Nakuha sab sa grupo ang Best Music ug Best Choreography.
Nakakuha sa ikaduhang pwesto ang CFCST – Palabuniyan Cultural Dance Ensemble gikan sa Pikit, North Cotabato;
Best Mask awardee ug third placer ang Youth Olmag Peforming Arts Guild nga taga Kidapawan City;
fourth placer ang Samal Island City College sa Samal Island;
ug Sidalakan Performing Ensemble sa Malita, Davao Occidental isip 5th placer.
via || Bombo LJ Florendo
