DAVAO CITY – Naghinam-hinam na usab si Outgoing Davao City Councilor Jay Melchor Quitain Jr. gumikan kay pila ka adlaw na lamang ug iya nang huptan ang ika-duha sa labing taas nga posisyon sa dakbayan sa Dabaw nga mao ang pagka-besi Mayor.
Gikanayon ni Quitain nga sa kasamtangan, naa na sa transition phase ang iyang team alang sa pormal nga paglingkod niini sa Vice Mayor Office sugod alas dose sa udto sa June 30, 2022.
Dugang pa ni Quitain nga sa iyang pagsulod sa bag-ong chapter sa iyang unom ka tuig nga political career, dili na limitado sa unang distrito lamang ang iyang pag-serbisyo kung dili sa tibuok dakbayan na.
Naglaum usab si Quitain nga mamahimong produktibo ang nagsingabot nga 20th council diin magsilbi siya isip presiding head.
Gipasalig usab niini nga andam niyang atubangon ang mga hagit ug pagsulay, apan gitino nga mamahimong sayon na lamang ang pagsulbad niini kung magkahi-usa ug magtinabangay ang tanang 27 ka mga miembro sa konseho sa dakbayan.
Via || Angie Chagas
