Nangayo karun ug refund si Diane Impas Omapas ang inahan sa usa ka estudyante nga nasamad ang ulo human gipasayaw-sayaw matud pa kini sa iyahang classmate.
Gusto karun sa maong inahan nga bayaran siya sa ilahang nagasto ug patambal sa samad sa ulo sa iyahang anak, lakip na usab ang mga bayronon sa anti-biotics ug ang ilahang nagasto sa patahi sa samad ug sa anti-tetanos.
Dugang pa niini, honest matud pa kini siya sa iyahang ginasulti mahitungod sa maong panghitabo.
Lakip sa gisaysay niini nga nganong napasagdan matud pa ang iyahang anak ug wala giatiman sa maestra gumikan mahadlok matud pa ug dugo ang adviser niini.
Kahinumdumang una nang nakutluan sa kinabuhi ang usa ka maestra nga si Marjorie Espinosa Llanto-Boldo, 58-anyos, diin usa sa mga gitumbok nga hinungdan sa iyahang kamatayon mao ang nadawatan niining pagpanginsulto ug pagpakaulaw pinaagig kasaba sa iyahang Principal gumikan sa sumbong usab sa usa ka ginikanan nga diin ang iyahang anak nasamad ang ulo ug lalom matud pa ang samad niini.
Giulan ug batikos ang nasampit nga inahan sa social media, gumikan daghan ang wala miuyon sa iyahang giluwatang pamahayag kabahin usab sa iyahang mulo ngadto sa iyahang anak.
