DAVAO CITY – Posibleng mapagula na karong adlawa ang resulta sa covid-19 test sa mga midwife ug uban pang personahe sa usa ka paanakan sa Mintal ning dakbayan sa Davao human nga namatay ang usa ka bag-ong gihimugso nga bata human nga nagpositibo sa maong virus.
Una ng gibutyag ni Mintal Brgy. Capt. Rey Bargamento nga dili residente sa ilang lugar ang inahan sa bata inay naabtan lamang kini sa iyang pagpanganak.
Giila sab nga blue baby ang pasyente ug luya ang panglawas nga posibleng hinungdan sab nga wala na kini nagdugay.
Una na matud pa nga gipailalom sa test ang inahan niini ingon man ang pipila ka mga personahe sa paanakan ingon mipahigayon na sab karon ug contact tracing sa mga nakahimamat sa mga nahisgutan aron nga dali na lamang nga masubay kun ugaling makasinate ug mga sintomas nga sama sa covid-19.
Nasayran sab nga tulo ka oras lamang nga nabuhi ang bata ayha kini namatay.
