DAVAO CITY – Patay ang usa ka inhan human nga aksidente sumala pa kining napusilan sa iyang anak nga usa ka police trainee sa Barangay San Roque, New Corella, Davao del Norte kagabii.
Sumala sa report sa Police Regional Office (PRO) XI naila ang nahisgutang suspek nga si PO1 Emmanuel Melana Dumapig samtang ang biktima mao ang mismo niining inahan nga si Emma Dumapig nagpuyo sa susamang lugar.
Sumala sa imbestigasyon, nasayran nga nag bansay-bansay niadtong higayuna ang nahisgutang police trainee sa iyang armas o ginatawag nga dry firing apan sumala pa, nagtuo kining walay bala ang maong pusil.
Nakablit usab sumala pa niini ang gatilyo rason nga kalit kining mibuto ug miigo sa samin nga iyang gi-atubang ug nilapos sa pikas kwarto asa nahimutang ang iyang inahan niadtong orasa.
Naigo sa panga nga bahin ang biktima diin gisulayan pa kini sa pagdala sa balay tambalanan apan gideklara na kining dead on arrival.
Giaresto gilayon ang suspek ug gikatakdang mag-atubang sa kasong Parricide, dungan pa sa kasong administratibo.
Nagtingkagol na karon ang suspek sa New Corella Police Station.
Samtang, gipahiluna ana usab sa ilang pamilya ang patayng lawas sa biktima.
