DAVAO CITY – Priso ang usa ka lalaki nga gikatahong namusil sa iyang inahan gamit ang jolen gun.
Giila ang suspek nga si alyas Jun-Jun, 41 anyos, ulitawo ug nagpuyo sa Purok 9, Barangay Mambing New Corella, Davao del Norte.
Sa imbestigasyon sa New Corella Police, nasayran adunay dakong panaglalis ang nahitabo sa ilahang duha ug gi baharan ang biktima na patyun kini ug sa walay pagduha-duha gigamit ang Jolen gun nga bitbit niini ug gipusil sa iyang inahan nga naigo sa tuong bahin sa iyang dughan ug likod, mibunot pa kini sa iyang sundang na bitbit sa maong suspek para itigbas unta sa nakakita sa maong panghitabo ug mipunit pa kini ug bato gibunal sa ulo sa biktima.
Ang maong biktima daling nadala sa ilang Barangay Health Center pinaagi sa tabang sa katawhan sa palibot.
Ang suspek anaa karun sa kustodiya sa New Corella Police Station ug mag-atubang ug kasong Frustrated Parricide nga gipasaka na sa kapulisan kaganihang buntag ngadto sa korte batok kaniya.
