DAVAO CITY – Gipaimbestigahan ni Department of Agriculture Secretary Francisco Tiu Laurel Jr. ang matod pa nahitabong importasyon sa mga kanding nga kontaminado o naapektuhan sa Q fever.
Gimando sa sekretaryo ang nahisgutang imbestigasyon gumikan sa mga nadawat nga inpormasyon nga ang mga lokal nga kanding sa Sta, Cruz, Marnduque sa natakdan sa nahisgutang sakit.
Ang nahisgutang lugar mao ang unang gidad-an sa mga imported nga kanding.
Apan bisan paman niini, wala pa nasayran ang nasud nga gigikanan sa mga kanding, date of arrival ug unsa usab kini kadaghan.
Gimugna ni Laurel Jr. ang usa ka team nga adunay tulo ka miyembro aron sayron ang mga tawo nga nagpaluyo niini.
Gitahasan usab niini ang mga bureau ug opisina sa DA, attached agencies and corporations nga mutabang sa pagahimuong fact finding.
Matod pa usab sa United States Center for Disease Control and Prevention, ang Q fever ang usa ka sakit gumikan sa Coxiella burnetii bacteria.
Nakaapekto kini sa mga kanding, karnero ug mga baka.
