Gi-anunsyo sa pipila ka mga abogado nga adunay plano sa pagpasang-at og verified complaint for impeachment batok kang Commission on Elections Chairman George Erwin Garcia ug unom pa ka mga komisyuner. Base sa reklamo nga gipasang-at nila Atty. Eldrige Marvin Aceron ug Sikini Labastilla, gi-akusahan nila ang mga respondent nga adunay paglabag sa Republic Act No. 8436 oang Automated Election System Law, betrayal of public trust, ug uban pa nga may kalabutan sa duha ka nagsunod nga piniliay.
Gilatag sa maong mga abogado ang upat ka basehan sa pagpasang-at ug impeachment lakip na ang paggamit og software sa kapin 100 ka libo nga automated counting machines sa miaging tuig nga eleksyon nga wala man lang miagi og manadatory Source Code Review. Samtang ang pagbudhi sa salig sa publiko usab ang rason sa paggamit sa dili awtorisadong inermediary server nga nakahatag og delay sa pag dala sa mga datos sa mga gipahimutang nga transparency servers.
Ikatulo usab nga akusasyon tungod sa kunoy pagtago og impormasyon niadtong 2022 elections sa gigamit sa usa ka private IP address alang sa kapin 20,000 vote counting machine modems. Ang ulahi nga grounds mao ang pili o selective enforcement sa mga campaign finance laws nga mipabor sa pipila ka mga senador nga kaalyado sa administrasyon lakip na sila Sen. Chiz Escudero ug Se. Rodante Marcoleta. Samtang, depensa sab ni Chairman George Garcia nga iya na nga ginabalik-balik nga pagtubag ang isyu ug hingpit nga adunay kredibilidad ang mga eleksyon nga nahisgutan sa impeachment complaint nga gipasang-at sa kamara.
