Gikanayon ni Senate President Vicente “Tito” Sotto III, nga nahimo nang usa ka “impossible dream” ang impeachment human gipalig-on sa Korte Suprema ang desisyon nga gideklara nga supak sa Konstitusyon ang impeachment nga gihimo sa House of Representatives batok kang Vice President Sara Duterte.
Sumala kang Sotto, ang desisyon sa SC usa kuno ka klaro nga pagpanghilabot sa gahum sa lehislatura ug mahimong isipon nga judicial legislation.
Matod pa niya, ang desisyon usa ka klaro nga judicial legislation.
Ang SC, base sa ilang desisyon, miangkon nga nagpaila sila og lagda nga sundon sa Kongreso sa proseso sa impeachment.
Usa kini ka klarong pagsulod sa gahum sa Legislative branch, sumala sa gitakda sa Konstitusyon.
Dugang pa ni Sotto nga ang impeachment karon usa na lamang ka impossible dream! Kahinumduman nga gikumpirma sa SC en banc niadtong Enero 29 nga hingpit na niinng gibasura ang mosyon sa Kamara, ug gipadayon nga ang ika-upat nga impeachment complaint supak sa one-year rule sa Konstitusyon.
Samtang, gikanayon ni Senadora Imee Marcos nga bisan pa nga kadaugan kini sa rule of law, nagtuo kini nga adunay bag-ong impeachment complaint nga iduso batok kang VP Sara Duterte sa Pebrero 6.
