Gisang-at na karong adlawa ang usa ka impeachment complaint batok kang Pangulong Ferdinand “Bongbong” Marcos Jr. ngadto sa Secretary General sa House of Representatives nga gi-endorso ni Pusong Pinoy Party-list Rep. Jett Nisay.
Subay sa Article XI sa 1987 Constitution nga naghisgot sa “Accountability of Public Officers,” ang Presidente, Bise Presidente, mga Mahistrado sa Korte Suprema, mga miyembro sa constitutional commissions, ug ang Ombudsman mahimong tangtangon sa katungdanan pinaagi sa impeachment ug conviction tungod sa culpable violation sa Konstitusyon, treason, bribery, graft and corruption, ubang high crimes, o betrayal of public trust.
Samtang nagtuo ang Malakanyang nga walay basihan ang gipasakang impeachment complaint batok kang Pangulong Ferdinand Marcos Jr.
Sumala kang Palace Press Officer Usec. Claire Castro, halos tanang isyu nga gilakip sa maong reklamo natubag na sa Malakanyang.
Gipasalig sa Malakanyang nga respetohon ni Pangulong Ferdinand Marcos Jr. ang balaod human sa pagduso sa impeachment complaint batok kaniya.
