DAVAO CITY – Gipasabot ni Atty. Bobet Torreon ang Dean sa Collage of law sa Jose Maria College nga dili mosalir ang giduso karon nga impeachment complaints batok kang Pangulong Rodrigo Duterte.
Tipik lamang kini human nga gipangunahan ni Magdalo Rep. Gary Alejano ang pagpasaka sa maong reklamo tungod sumala pa sa daghanang kalapasan nga nahimo ni Pangulong Duterte nga supak sa konstitusyon sa nasud.
Apan ang nahisgutan nga lakang sa magbabalaud dili pa lig-on aron nga langkaton sa posisyon ang presidente sa nasud.
Dugang sa nahisgutan nga walay pulos usab ang maong reklamo ilabi na kung wala kini igo nga basehan ug dili lig-on ang mga ebidensiya nga i-presenta batok sa gireklamo.
Una ng gibutyag ni Rep. Alejano nga pipila sumala pa sa mga kalapasan nga nahimo ni Pangulong Duterte ang gilangkuban sa betrayal of public trust, graft and corruption, high crimes, bribery ug daghanan pa.
