Gipagawas sa Senate impeachment court ang desisyon nga ibalik sa Kamara ang mga articles of impeachment batok kang Bise Presidente Sara Duterte, sa botong 18 pabor ug 5 supak.
Kini may kalabutan sa mosyon ni Senator-judge Alan Peter Cayetano nga nag-amend sa naunang mosyon ni Senator-Judge Ronald “Bato” dela Rosa nga i-dismiss ang verified impeachment complaint batok sa Bise Presidente.
Sa gi-amyendahan nga mosyon ni Cayetano, gibalik ang mga artikulo sa impeachment sa House of Representatives nga walay pag-dismiss o pagtapos sa kaso.
Kinahanglan tubagon sa Kamara ug pamatud-an nga wala sila’y gilapas sa Konstitusyon, ilabi na nga walay impeachment proceedings nga labaw sa usa ang himoon sa samang opisyal sulod sa usa ka tuig, apil na usab nga wala sila’y gipasakang labaw sa usa ka impeachment complaint.
Dugang pa niini, kinahanglan ilhon sa ika-20 nga Kongreso nga bukas ug andam silang modawat ug moaksyon sa impeachment complaint batok kang VP Sara.
Ang mga senador-huwes nga wala miuyon sa pag-remand mao sila Senador Sherwin Gatchalian, Senate Minority Leader Koko Pimentel, Senadora Risa Hontiveros, Senadora Nancy Binay, Senadora Grace Poe
