Nanawagan si House Assistant Minority Leader ug Gabriela Women’s Party Representative Arlene Brosas nga sugdan na ang impeachment proceedings batok kang Vice President Sara Duterte human nga nabutyag sa pagdungog sa House Committee on Good Governance ang matud pa nga binuhat nga mga resibo alang sa paggamit sa confidential funds sa Office of the Vice President.
Kulang ra ang congression inquiry ug kinahanglan nga manubag si VP Sara sa pagpanikas niini ug pagmanipula sa mga dokumento aron nga tabonan ang paggamit sa confidential funds.
Matud pa ni Brosas, nga ang pagdiskubre sa 158 ka mga kadudahan nga mga resibo nga usa ra og ink signature, mga sayop nga mga petsa, ug mg pangalan nga wala nagalungtad.
Usa ka klarong timailhan sa dakong pagpangilad ug kurapsyon. Dili kini usa ka yano nga kaso sa sayop nga dokumentasyon, apan usa ka tinuyoan nga pagsulay sa pagtabon ug pag-usik sa kwarta sa katawhan.
Gipasiugdahan sa mambabalaod nga, ang giingon nga paghimo og peke nga mga opisyal nga dokumento aron ipakita ang gasto sa confidential nga pondo usa kini ka pagpalapas sa balaod ug usa ka kurapsyon, nga duha ka impeachable nga sala ubos sa Konstitusyon.
Dugang pa ni Brosas nga, dili dapat tugotan ang mga opisyales sa gobyerno nga tan-awon ang kaban sa gobyerno isip ilang personal nga alkansiya samtang ang milyon-milyon nga mga Pilipino nag-antos sa kalisud.
Magpabilin matud pa nga mamahimo og responsable bahin sa transparency ilabina sa paggamit sa pondo sa gobyerno.
