Gikumpirma ni Assistant Secretary Mico Clavano sa Department of Justice nga napirmahan na ni Justice Secretary Jesus Crispin Remulla ang ‘inisyal nga batch’ sa Immigration Lookout Bulletin Order o ILBO batok sa mga nalambigit sa isyu sa flood control projects.
Matod ni ASec. Clavano, gipirmahan na sa kalihim ang request letter ni Senator Marcoleta gikan sa Senate Blue Ribbon Committee. Samtang ang ‘request letter’ nga gipadala ni Department of Public Works and Highways Secretary Vince Dizon ug uban pang ILBO, ipasunod karong adlawa.
Gikanayon usab ni Clavano nga ang listahan naglangkob sa mga opisyal sa DPWH ug mga contractors.
Subay sa kamanduan karon, ibutang na sa ‘travel monitoring’ mao ang mga opisyal sa DPWH ug mga contractors.Kahinumduman nga una ng mibisita si DPWH Secretary Vince Dizon sa Department of Justice sa nakalabay nga adlaw ug sa buhatan sa Bureau of Immigration (BI) arun mangayo og Immigration Look-out Bulletin Order (ILBO) batok sa mga indibidwal nga giimbestigahan subay sa anomaloso nga flood-control projects.
Matud niya nga kinahanglang bantayan ang byahe sa maong mga indibidwal arun masiguro nga manubag kini kun mapamatud-ang sad-an sa mga bug-at nga pasangil.
Ang Immigration Lookout Bulletin Order (ILBO) wala nagpasabot nga adunay kaso o sala nga napamatud-an, kini nagmando lamang sa mga immigration officials nga bantayan ang maong mga indibidwal samtang nagpadayon pa ang imbestigasyon.
