DAVAO CITY – Mas gipalawman sa kapolisan ang ilang imbestigasyon nga dunay kalabotan sa iyang trabaho isip anaa sa print media ang pagkapusil-patay kang Dennis Denora.
Nasayran gikan kang PCI Frederick Deles, deputy chief sa Panabo Police mi-request na sila ug kopya sa mantalaang ’Trends and Time’ aron nga masuta kung duna ba’y nahimong kaaway nsi Denora.
Usa ka Special Investigation Sab ang gimugna sa Panabo Police aron nga matutokan ang pag-ila sa responsabli ug motibo sa krimen.
Wala gayud maluwas si Denora, 67 anyos nga nakahi-agum ug duha ka mga igo sa ulo nga bahin gumikan kay dulit ang pagkapusil kaniya.
Sumala pa kang Inspector Deles nga yano lamang nga naglakaw ang gun man human sa krimin nga gi-atol sa pagkakolgot sa trapeko ang Hundai nga sakyana sa biktima sa National highway sa Barangay New Pandan.
Una nang gituohan sa Panabo PNP nga .45 nga kalibre sa armas ang gigmit sa mamumuno.
