Gisugdan na matud pa sa Department of Justice Task Force ang pagimbestiga kang kanhi pangulong Rodrigo Duterte aron makita og aduna ba kini kalapasan sa International Humanitarian Law sa giingong extra judicial killings sa iyahang sa war on drugs, subay sa nahimong kumpirmasyon sa Department of Justice.
Apan, sa pikas bahin, subling gihimakak ni Atty. Salvador Panelo, ang kanhing Presidential Legal Counsel nga walay ginahatag nga reward money sa kapulisan si FPRRD ngadto sa kapulisan.
Apan, subo kini gumikan daw ‘wala’ matud pa ginapaminaw ug ginasabot ang eksplenasyon sa kanhing pangulo atol sa pagtambong niini sa milabayng hearing.
Kahinumdumang gibutyag ni VP Sara Duterte nga nangandam na matud pa sila sa iyahang amahan bisan pa man nga wala pa gilambigit ang ngan niini, apan duna matud pay posibilidad nga idamay kini gumikan ikaduha siyang labaw sa nasud ug usa siya ka Duterte.
Giawhag sab ni Batangas 2nd District Rep. Gerville Luistro ang House Quad Committee nga pasakahan na og kaso si FPRRD gumikan sa kalapasan niini sa international humanitarian law ug kasong murder tungod sa pagkamatay sa nilibo ka mga Pilipino atol sa pagpatuman sa madugong drug war sa administrasyon niini.
