Illegal nga mga Private Security Agencies padayon nga nag-operate sa Davao
Gilutos karon sa konseho sa dakbayan sa dabaw ang mga illegal private security agencies nga nag-operate sa syudad.
Gikanayon ni councilor Mabel Sunga Acosta, chairperson sa committee on peace and public safety sa 18th council gitandi na nila karon ang record gikan sa Regional Civil Security Unit (RCSU), Department of Labor and Employment, ug sa City Hall aron masuta kung ang nahisgutang mga buhatan wala maapil sa gikonsedirang illegal nga nag-operate sa dakbayan.
Gihimo ni Acosta ang nahisgutang lakang human gibutyag sa Regional Security Association (RESA) nga adunay pipila ka mga private security agencies ang padayong nag-operate bisan walay gikuptang business permit.
Atol sa regular session miduso usab ug resolution si Acosta nga nag-awhag sa Davao City Chamber of Comnmerce and Industry Inc nga dasigon ang ilang mga miembro nga makiglambigit lamang sa mga private security agencies nga adunay kompletong dokumento.
