DAVAO CITY – Dili usikan ni Gabriela Party-list Representative Luz Ilagan aang gihatag nga pagsalig kaniya ni Pangulong Rodrigo Duterte human gipahimutang isip Undersecretary sa DSWD.
Una nang agi-angkon ni Ilagan nga kritikal nga posisyon ang pagka-DSWD undersecretary, gumikan kay mandato niini ang pag-supervise sa relief assistance panahon sa kalamidad ug trahedya, lakip na ang pagtabang sa mga kabataan, Senior Citizen ug kababayen-an.
Kalakip sa mga gimbuhaton ni Ilagan ang mga nabiya-an ni Judy Taguiwalo, kinsa nataktak sa DSWD human balibari sa gamhanan nga commission on appointments (CA).
Daku ang pasalamat ni Luz Ilagan nga gipahimutang kini isip Undersecretary sa Department of Social Welfare and Development (DSWD).
Sumala pa niya nga nalipay siya nga duna pa gihapoy pagsalig si Pangulong Rodrigo Duterte kaniya aron nga makatabang sa pagpalambo sa serbisyo sa nahisgutan nga buhatan ngadto sa katawhan.
