DAVAO CITY – Hingpit nang magamit ang ika-tulong covid 19 testing laboratory sa dakbayan sa Dabaw nga naa gipahimutang sa Davao International Airport.
Kagahapong adlawa, gipahigayon ang pormal nga pag-turn over sa nahisgutang laboratory ngadto sa lokal nga kagamhanan sa dakbayan sa Dabaw pinaagi sa usaka simple ug hamubo lamang nga programa nga gitambungan ni Davao city Mayor Inday Sara Duterte Carpio.
Ang nahisgutang containerized RT-PCR test laboratory nga gipahimutang sa parking area sa airport ang dugang sa duha ka kasamtangang testing laboratory nga naa sa Southern Phils Medical center ug sa Brgy Los Amegos Tugbok ning dakbayan sa Dabaw.
Pinaagi sa ika-tulong testing laboratory nga mahimong paspas na ang paggawas sa RT-PCR test results sa mga gipa-ilalom sa swab test nga mga pasaheeong mogawas ug mosulod sa dakbayan sa dabaw agi sa nahisgutang tugpahanan.
Sumala ni Mayor Inday Sara nga TIMELY ang kamugnaan sa nahisgutang laboratory gumikan kay lauman ang pagdagsang sa daghang mga pasahero sa eroplano ilabi na karon nga hinay-hinay nang giwagtang ang travel restriction sa ubang mga dapit sa nasud.
