DAVAO CITY – Bag-uhay pa lamang nagsugod ang ikatulong Ironman 70.3 triathlon dinhi sa Davao City karong adlawa, apan kahibulongan gihapon kon dinhi pa ba ipahigayon ang sunod nga edisyon sa maong international triathlon sa musunod nga tuig.
Gikanayon ni Davao City Sports Development Division head Mikey Aportadera, mao kini ang pinakaulahing Ironman nga gipahigayon dinhi sa dakbayan, gawas na lamang kon makahukom si Davao City Mayor Sebastian Duterte nga tugutan ang dakbayan nga mag-host pag-usab sa Ironman.
Dugang pa, maglusad og review ang mayor ug iyang timbangon ang mga kasinatian sa mga atleta ayha pa sya makadesisyon kong maglusad pa ba og ikaupat nga Ironman dinhi sa Davao City.
Mapasalamaton gihapon ang mga organizers sa maong torneyo nga Sunrise Sports sa ilang takos nga pakig-alayon aron mamahimong posible ug magmalampuson ang maong sporting event.
Iksaktong nasa 1,719 ka mga tri-athletes gikan sa 49 ka mga nasud ang kasamtangang nagtigi karon sa maong torneyo nga gilangkuban sa 1.9k swim-90k bike-21k run race.
via || Bombo LJF
