DAVAO CITY – Anaa na sa ikapito ka adlaw nga Outbreak Response Immunization (ORI) ang mga sakop sa City Health Office (CHO) human ideklara ang measles outbreak dinhi sa dakbayan sa Davao gumikan sa padayon nga pagdaghan sa measles cases gikan sa traynta y otso ka mga kabarangayan sa dakbayan.
Sa kwentada sa CHO dunay 224 ka mga suspected cases sa dakbayan, 121 niini ang nadala sa hospital, diin dese sais niini ang kompirmado nga measles cases, lain pang upat ka mga bata ang nangamatay gumikan sa maong sakit.
Subay sa monitoring sa health workers ang Barangay 23-C Mini-Forest Boulevard ang dunay pinakadaghan nga suspected measles diin saisenta ang dunay sentomas sa Tipdas ug duha na ang gikatala nga patay.
Nasayran nga anaa na sa ikapito ka adlaw karon ang Outbreak Response Immunization (ORI) ang City Health Office aron nga imonitor ang kahimtang ug paningkamutan nga dili na modaghan pa ang measles cases Niadto pang Nobyembre 2017 gisugdan sa CHO ang pagbantay sa sakit nga tipdas sa dakbayan sa Davao.
