Gipresenta sa ika-upat nga adlaw sa impeachment trial batok kang Vice President Sara Duterte ang ikaduhang testigo sa prosekusyon nga si Atty. Jeremy Lotoc, ang Regional Director sa National Bureau of Investigation (NBI) sa Bangsamoro Autonomous Region in Muslim Mindanao (BARMM). Sumala pa sa prosekusyon, gipatawag si Lotoc aron maghatag og testimonya may kalabotan sa Article IV o Grave Threats sa impeachment complaint, nga naghisgot sa kontrobersyal nga pahayag ni VP Sara niadtong Nobyembre 2024.
Dugang pa niini, isip opisyal sa NBI, gipasabot nga iyang patunayan ang kredibilidad sa imbestigasyon sa ahensya, lakip ang mga affidavit ug mga video clips nga ilang nakuha.Lakip sa tumong sa prosekusyon ang paggamit sa testimonya ni Lotoc aron pamatud-an nga ang giingong mga hulga ni VP Sara seryoso, tinuod nga nahitabo, ug adunay basihan sa gisang-at nga mga reklamo.
Kahinumduman, gisundan ni Lotoc ang unang testigo sa prosekusyon nga si NBI Senior Agent John Mark Calilung, nga maoy nag-authenticate sa digital recordings sa press conference ni Vice President Sara Duterte.
