Gisugdan na sa unang pagbasa ang ika-upat nga supplemental budget alang karong tuiga atol sa special session sa Sanguniang Panglungsod niadtong Huwebes.
Nasayran nga ang giduso nga pondo ang mokabat sa P49,900 nga gilangkuban sa general fund proper ug sa Economic Enterprise, kini sumala pa sa Chairperson sa Committee of Finance, Way’s and Mean’s and Appropriation nga si Konsehal Myrna Ortiz.
Samtang ang maong pondo ang gisertipikahan nga urgent ni Mayor Sebastian Duterte. Naglaom ang mayor nga ang maong sugyot mahatagan og prayoridad sa city council.
Kahinumduman nga niadtong nakalabay nga bulan, una ng giaprubahan ang supplemental budget nga mokabat sa kapin P600 million ug kapin P400 million usab alang sa insintibo ug budget nga gigahin sa selebrasyon sa Pasko Fiesta dinhi sa dakbayan.
