DAVAO CITY – Walay kabutngan sa iyang pagmahay ang giilang ika-6 sa drug watchlist sa Davao Region human nga nasikop kini sa gilusad nga operasyon sa mga sakop sa anti-illegal drug operation sa mga personahe sa Panabo Police Station kagahapon sa Prk. Alaska, Brgy. New Pandan, Panabo City.
Wala na nakapalag pa ang suspek nga si Jay Carl Pacquiao Lalegit alyas Kol, residente sa Peoples village, Maa, ning dakbayan dihang gitunol kaniya ang warrant of arrest.
Una niini, napalitan ang nahisgutan sa otoridad nga nagtakuban nga buyer ug kantidad sa P1,000 nga pakete sa illegal nga druga.
Diretso kini nga giposasan sa otoridad ug gikapkapan ang dinakpan, narekober pa gikan kaniya ang laing tulo pa ka mga pakete sa illegal nga druga, .38 caliber revolver nga puno sa lima ka mga buhing bala.
Kinatibuk-ang P34,000 ang kantidad sa shabu ang narekober gikan sa suspek o mutimbang kini ug 5.010grams.
Anaa kini karun sa kostudiya sa Panabo PNP ug pasakahan na ug kasong paglapas sa Republic Act 9165 o Comprehensive Dangerous Drugs Act of 2002.
