DAVAO CITY- Namatikdan ang pagsaka sa ihap sa mga turista nga mibisita sa Davao de Oro diin milapas kini sa target nga ihap sa ilang tourist arrivals ning kasamtangang tuig. Gikanayon ni Provincial Tourism Officer Christine Dompor nga midaghan ang miduaw sa mga makalingaw nga aktibidad sa maong probinsya ug dugang sab niini nga nakab-ot sa Davao de Oro ang ika unom nga ranggo sa mga provincial governments sa nasud niadtong milabay’ng tuig kung pagahisgutan ang tourist arrivals.
Gani, gibutyag sab sa tourism officer nga nakadawat gihapon ang probinsya og mga turista nga gikan sa lokal ug mga kasikbit nga lugar bisan pa man adunay pandemic.
Kahinumduman sab nga niadtong tuig 2020, nakab-ot sa probinsya ang ika- 11 nga rank diin sagad sa pagbisita sa mga turista ang nahitabo niadtong wala pa ang COVID-19 pandemic.
Via || Bombo Kaye Marie Gulle
