-- ADVERTISEMENT --
DAVAO CITY – Subay sa bag-ohay nga datus gikan sa DSWD Disaster Response Operations Monitoring and Information Center, niabot na ngadto sa 11,228 ka mga indibidwal ang apektado sa duha ka mga kusog nga linog nga nitay-og sa New Bataan, Davao de Oro kaniadtong Marso 7, ning tuig.
Sa maong taho, 2,138 na ka mga pamilya o 10,368 ka mga indidbidwal ang nahimotang ning kasamtangan sa siyam ka mga evacuation centers samtang 16 usab ka mga barangay ang apektado sa maong linog.
Sa pagkakaron, anaa na usab sa P6,243,150.00 ang kinatibuk-ang ihap sa humanitarian assistance nga gigahin na sa Department of Social Welfare and Development samtang P709,455,639.38 ang stand by funds ug P480,198,672.85 nga kinatibuk-ang stockpiles sa maong buhatan.
