DAVAO CITY – Nanawagan ang tourism officer sa munisipalidad sa Sta. Cruz sa Davao del Sur ngadto sa otoridad nga dungagan ang ihap sa mga trekkers nga musaka sa Mt. Apo nga una ng gilimitahan sa 50 per trail sukad kaniadtong 2017 kini human ang nahitabong 2016 forest fire palibot sa peak nga milungtad og duruha ka semana.
Una niini, nanawagan si Sta. Cruz municipal tourism officer Julius Paner ngadto sa Protected Area Management Board (PAMB) nga ikonsidera ang revisiting sa kasamtangan nga polisiya nga naglimita sa gitakda lamang nga ihap sa mga trekkers paingon sa Mt. Apo Natural Park gikan sa 50 ngadto na sa 100 matag adlaw sa ilang unom ka mga trails.
Ang nahisgutan nga polisiya una ng gipatuman kaniadtong Abril 12, 2017, usa ka adlaw dihang gitapos na sa PAMB ang “indefinite closure” sa Mt. Apo tungod sa forest fire diin gitudlong hinungdan niini mao ang mga trekkers nga nagbilin sumala pa sa ilang camp fire.
Kahinumduman nga gilamoy sa kalayo ang 115 ka ektarya nga lasang ug grasslands lakip na ang pipila ka mga century-old trees.
Gikanayong ang 100 trekkers per trail limit o kinatibuk-ang 600 ang pabilin sumala pa nga “manageable.”
Gikanayong ang trekking usa ka low-impact ecotourism activity nga makatabang sumala pa og dako sa lokal nga ekonomiya.
