Mukabat na sa 36% kon usa sa matag tulo ka mga Pilipino ang adunay sakit sa kasingkasing niadtong 2024, sumala sa datos sa Department of Health (DOH).
Base sa Field Health Service Information System, nagpabiling unang hinungdan sa kamatayon sa mga Pilipino ang sakit sa kasingkasing sulod sa miaging lima ka tuig, sumala usab sa Philippine Statistics Authority.
Matod pa sa DOH, kasagaran kini tungod sa coronary artery disease, nga mahitabo tungod sa pagbara sa mga ugat sa kasingkasing nga resulta sa natipon nga kolesterol ug tambok.
Gibutyag sa ahensya nga kadaghanan sa mga risk factor sa sakit sa kasingkasing mapugngan pinaagi sa husto nga pagkaon, regular nga ehersisyo, ug disiplina sa estilo sa kinabuhi.
Samtang padayon ang pahimangno sa DOH sa publiko nga mohimo dayon og lakang aron mapanalipdan ang kahimsog sa kasingkasing ug malikayan ang atake sa kasingkasing.
