Mokabat na sa 8,600 ka mga kaso ang natala sa sakit nga TB kon Tuberculosis sa nakalabay nga tuig. Subay sa datos sa Davao City Health Office, gibutyag niini nga adunay natala nga pagsaka sa maong sakit kung ikumpara sa 8,200 nga natalang kaso niadtong tuig 2023.
Sumala pa ni Dr. Nikita Marie Jamiana Reyes, ang Coordinator sa City National Tuberculosis Program Medical sa CHO-Davao,nga gumikan sa maong ihap ilaha karon nga gitutokan ang mga Barangay dinhi sa dakbayan nga adunay nga nakatala og taas nga kaso sa TB. Samtang nag-awhag usab kini sa publiko nga pahimuslan ang ginadalit nga libreng X-Ray screening sa syudad karong Lunes sa Victoria Plaza.
Sa maong programa mapahimuslan ang libreng Chest X-ray, screens training, consultation bisan pa pa man nga walay ginabati nga ubo aron mahibal-an ug matambalan gilayon kung adunay makita o mugula sa maong test. Magsugod ang libreng check-up sa alas Otso sa buntag hnagtod sa alas Kuatro sa hapon.
