Padayun ang pagsaka sa ihap sa nangamatay sa pagbahang nahitabo sa Central Texas, diin, naabot na kini sa 109 ka mga patay ug 161 ang nagpabiling missing.
Niingun ang Gobernador sa Texas nga si Greg Abbott nga ang mga awtoridad nagpadayon sa pagpangita sa mga gikataho nga Nawala sa maong halapad nga pagbaha.
Diin, magpadala ang awtoridad og 258 ka mga responder, lakip ang mga drone, aron pangitaon ang 161 nga nawala.
Matud ni Abbott, dili sila mohunong sa pagpangita hangtod nga mapalgan na nila ang missing.
Nagtanyag usab ang Mexico og tabang sa pagpangita sa nawala nga mga residente.
Samtang, gikumpirma ni US President Donald Trump nga mobisita siya sa Texas karong Sabadom, Hulyo 12. Sa Kerr County lamang, 87 ka tawo ang namatay, lakip ang 56 ka hamtong ug 31 ka bata.
Samtang, ang mga residente sa San Antonio nagpahigayon og vigil alang sa mga biktima sa kalit nga pagbaha.
