Misaka ang ihap sa mga namalit og mga sakyanang de-kuryente o electric vehicles.
Sumala sa Chamber of Automotive Manufacturers of the Philippines Inc. (CAMPI) ug Truck Manufacturers Association (TMA), misaka og 67 porsyento ang ihap sa mga nakapalit og electrified vehicles.
Gikan sa 3,416 ka units niadtong miaging tuig, misaka kini ngadto sa 5,701 ka units sa unang duha ka bulan sa tuig karon.
Ang Battery Electric Vehicles (BEV) misaka og 77 porsyento, samtang ang Plug-in Hybrid Electric Vehicles (PHEV) misaka og 1,083 porsyento. Misaka usab ang ihap sa mga namalit og Hybrid Electric Vehicles (HEV) og 50 porsyento.
Nagtuo ang grupo nga tungod sa kasamtangang kagubot sa tungang sidlakanan, posible nga mosaka pa ang ihap sa mga mamalit og electric vehicles.
