Dili muubos sa 179 ka mga indibidwal ang gibanabanaang nakabsan, human nga mihagsa ang Jeju Air flight 7C2216 sa Muan International Airport sa South Korea, kaganinang buntag, sumala pa sa news agency sa Yonhap, nga ang maong insidente nahitabo samtang ang Jeju Air flight 181, nagpahigayon og usa ka emergency landing gikan sa Bangkok nga aduna sab 181 nga sakay nga mga pasahero.
Sa karun, ang natala pa lamang nga nakaluwas, mao ang usa ka pasahero ug usa ka miyembro sa crew.
Una nang gikataho nga ang Boeing 737-800, nakahiagom iog problema samtang nakita niining midiretsu sa runway nga walay nakita niining landing gear ayha kini mibangga sa pader mga alas 9 ang takna sa buntag, oras sa South Korea.
Duda sab sa mga otoridad nga aduna matud pay posibilidad nga adunay bird strike samtang ang eroplano nagalanding.
Padayon sab ang mga emergency responder sa pagpangita sa mga patayng lawas, ug gikumpirma sa mga otoridad ang mga naluwas nga duha ka mga survivor gikan sa tail section sa eroplano, diin kasamtangan kining ginatambalan sa usa ka ospital.
Samtang, padayon sab ang ginabuhat sa pagpaningkamot sa mga otoridad nga mapaguwa ang mga patayng lawas nga anaa sa sulod sa maong eroplano.
