Ihap sa mga nakabsan og kinabuhi gumikan sa Covid, mokabat gihapon sa 1,700 ang ihap matag semana- WHO

Gikabutyag nga mipatay pa gihapon ang COVID-19 ug mukabat sa 1,700 ka tawo matag sa semana sa tibuok kalibutan, matod pa sa World Health Organization (WHO).

Kini ang giluwatang pahayag ni WHO director-general Tedros Adhanom Ghebreyesus dungan sa pag-ubos sa vaccine coverage.

Sa kasamtangan, mosobra na sa pito ka milyong COVID-19 deaths na ang gikatala sa WHO.

Kung kahinumduman, gideklara sa WHO ang pagtapos sa international public health emergency sa COVID-19 kaniadtong Mayo 2023, kun mosobra sa tulo katuig nga unang gikatala ang virus sa Wuhan, China kaniadtong 2019.