DAVAO CITY – Mikunhod na karon ang ihap sa mga pasahero nga nadakpan gumikan sa pag-presenta ug peke nga negative RT-PCR test result atol sa pagsulod sa Davao international airport.
Gikanayon ni Generose Tecson, ang hepe sa Davao city Tourism operations office nga kung kaniadto sa matag flight nga motugpa sa airport naa silay mangadakpan, apan karon 3 hangtud 4 na lamang sa matag semana.
Nagtuo si Tecson nga posibling usa sa mga nag-una nga hinungdan niini ang bug-at nga silot nga ipahamtang batok sa mga madakpan.
Na-una ang gikanayon ni Davao City Mayor Inday Sara nga mas dako ang magasto sa mga pasahero sa eroplano kung magkuha kini ug peke nga negative RT PCR test result nga nagkantidad ug gikan P1,000 – P2,000.
Kini gumikan kay kinahanglan sila nga mopa-ilalaom sa swab test sa airport nga nagkantidad ug P4,500, gawas sa kasong kriminal nga ipasaka batok kanila.
Kinahanglan usab nga mobayad ug inquest bail gikan says hangtud 40 mil ka pesos.
Gikan Marso 2021, sukad gibalik ang test before travel ni Mayor Inday sara moabot na sa 82 ka mga pasahero ang nadakpan gumikan sa pag-presenta ug peke nga negative RT PCR test result.
