-- ADVERTISEMENT --
DAVAO CITY – Gilaomang mas mu-usbaw pa ang ihap sa mga healthcare workers nga gustong magpabakuna batok Covid-19 sa dakbayan sa dabaw.
Kini human nga mitaas sumala pa ang ilang kumpyansa human nga nalantawan niini nga pipila na sab ka mga frontline healthcare workers ug uniformed personnel ang nagpatuplok na og bakuna.
Gani, gikalipay sa City Health Office (CHO) ang taas nga turn-out sa mga nagpa bakunang health care workers gikan sa mga pribadong hospital.
Sumala ni Acting City Health Office OIC Dr. Ashley Lopez nga pipila sab ka mga indibidwal nga walk-in ang nagpa rehistro nga magpabakuna gumikan na-awhag sumala pa kini.
Kasamtangan, anaa na matud pa sa dul-an 3,000 ka mga healthcare workers ang natuplokan na og bakuna batok Covid-19.
-- ADVERTISEMENT --
