DAVAO CITY – Misaka ang ihap sa mga kababainhan nga nakatagamtam ug pagpangabuso gikan sa ilang bana.
Kini ang pahayag ni Lorna Mandin head sa Integrated Children Development Division.
Sumala pa sa opisyal nga misaka ang kaso sa RA 9262 o Anti-Violence Against Women and Their Children Act of 2004.
Sumala pa ni Mandin nga subay sa pagsaulog sa International Women’s Day karong Marso 8 tuig kasamtangan daghanang mga aktibidad ang nakahan-ay sa ilang buhatan.
Dugang pa niini nga dunay exclusive women gathering kung diin hisgutan unsa ang mga gihambin nga mga problema sa kababainhan.
Labot niini, laraw nila nga magkuha ug eksperto labi na psychologist lakip na sa legal aron nga matabangan gayud ang mga suliran sa kababainhan.
Samtang, dili lamang mga kababainhan ang hatagan ug pagtagad lakip na ang mga kalalakin-an nga kung diin nakatagamtam usab ug pagpangabuso sa ilang mga asawa.
Ubay-ubay na usab sumala pa sa mga lalaki ang mireklamo sa ilang buhatan.
Ug tungod niini laraw usab nila nga mutukod ug Family Support Center katabang ang CSSDO aron nga makahatag ug tabang sa mga reklamo sa magtiayon.
