Gipahibalo ni LtCol Christian Antonio D. Garcia, ang hepe sa Traffic Enforcement Unit, nga misaka ang ihap sa mga sakyanang nalambigit sa aksidente sa Davao City gikan Enero hangtod Hunyo 2024. Naitala ang 4,864 ka sakyanan nga naapil sa mga disgrasya.
Sa maong datos, 37 porsyento niini maoy kasamtangang gi-review pa pinaagi sa video footage, samtang 21 porsyento sa mga na-involve nga motorsiklo, ug 10 porsyento sa mga truck.
Giklaro usab niini nga adunay 96 porsyento sa mga aksidente ang resulta sa human error, samtang ang road defects ug vehicle defects susama lamang nga nagrepresentar og 2 porsyento.
Ang pinakataas nga oras nga daghang disgrasya kasagaran nagakahitabo mao ang alas-dos hangtod alas-kuwatro sa hapon, subay sa monitoring sa TEU.
Sumala pa nga kini maoy pinakataas nga natala nga aksidente sa Carlos P. Garcia area nga adunay 19 porsyento, gisundan sa McArthur nga adunay 7 porsyento.
Samtang ang mga lugar sa Cabanatian, Panacanan ug Maa adunay tagsa-tagsa nga 4 porsyento nga rekord sa aksidente.
Kung itandi ang datos sa miaging tuig, anaa sa 1,998 ka aksidente ang natala sa 2024, apan karong tuiga, misaka kini ngadto sa 2,598 ka insidente.
Sa miaging tuig usab, adunay 3,900 ka mga sakyanan ang nalambigit sa aksidente, samtang karong tuiga, misaka kini sa 4,864.
Sa pagkakaron, padayon ang mga proposal ug plano aron matubag ang padayong pagsaka sa ihap sa mga aksidente sa kadalanan.
