Gidakop si kanhing Negros Oriental Governor Pryde Henry Teves kaganihang pasado alas-otso sa buntag sa syudad sa Dumaguete tungod sa kasong Terrorism Financing Prevention and Supression Law.
Si Henry Teves ang igsuon ni kanhi Negros Oriental 3rd District Representative Arnolfo Teves Jr. nga nagpabilin karon nga anaa sa kostudiya sa otoridad sa Timor-Leste.
Ang arrest warrant kang Teves ang gi-issue sa Seventh Judicial Region, Branch 74 sa Cebu City niadtong Mayo 13, 2024.
Girekomenda sa korte ang kapin P200,000 nga pyansa alang sa temporaryo niining kagawasan.
Kahinumduman nga gipangita sa kapulisan si Teves isip “most wanted person” gumikan sa akusayon nga kini nalambigit sumala pa sa teroristang kalihukan sumala sa Anti-Terrorism Council gumikan sa nahitabong serye nga mga pagpamatay ug pagpangharass sa Negros Oriental.
