Ipa-deport sa China ang igsuon ni kanhi Bamban Mayor Alice Guo nga si Sheila Guo sa higayon nga masulbad na ang tanang criminal charges batok kaniya.
Sa usaka pahayag, gikanayon sa Bureau of Immigration nga usaka Chinese citizen si Sheila Guo, diin ang pangalan niini nnga nakabutang sa pasaporte mao ang Zhang Mier. Sa karon, nakadetine si Sheila Guo sa National Bureau of Investigation.
Kini ug ang kauban nga negosyanteng si Cassandra Ong ang mag-atubangug mga kasong obstruction of justice, pagtago ug usaka pugante ug pagsupak sa Philippine Passport Act.
Samtang sa kabahin sa deportation case nga gi-atubang ni Sheila sa BI, sa higayon nga makumpirma nga ilegal nga nakuha niini ang iyang mga dokumento sa Pilipinas pabalikon kini sa china gumikan kay aduna kini gihuptan nga chinese passport nga nagbaton ug gahum hangtud sa 2031.
Sa karon, sumala sa Immigration Commissioner nga si Norman Tansingco, suspendido ang deportation ni Sheila Guo samtang nag-ong-ong pa ang resolution sa tanang gi-atubang niini nga mga kasong kriminal ug uban pang mga tulubagon sa balaud sa Pilipinas.
