Gipasalig sa Civil Aviation Authority of the Philippines nga adunay igo nga suplay sa fuel ang mga tugpahanan sa tibuok nasud bisan pa og makasinati og power interruptions tungod sa krisis sa lana.
Sumala kang CAAP Spokesperson Eric Apolonio, panagsa ra gamiton ang reserve fuel ug giandam lamang kini kung adunay power failure sa external supply.
Sa una pa, adunay pipila ka tugpahanan nga nagpahibalo og pagkunhod sa flights sugod Abril hangtod Mayo tungod sa limitadong ruta ug gamay nga pasahero, bunga sa ongoing armed conflict sa Middle East.
Matod pa niya, gilauman kini nga sitwasyon ilabi na kay misaka na sa 100% ang fuel surcharge, nga nakaapekto sa kita sa mga airlines.
Sa kapin 44 ka commercial airports ubos sa CAAP, gisiguro nga tanan niini adunay igo nga fuel supply bisan pa sa krisis sa lana.
