Gipahibalo sa International Energy Agency nga gilayon niining ipagawas ang strategic oil reserves sa rehiyon sa Asia-Oceania aron matubag ang kakulangon sa suplay sa lana nga resulta sa giyera sa Middle East.
Ang maong mga reserbang lana ipahimutang dayon alang sa mga nasud sa Asya aron mapulihan ang mga nawad-an og pondo sa lana tungod sa nagpadayon nga tensyon sa rehiyon.
Kini ang labing dako nga pagpagawas sa emergency oil reserves sa kasaysayan, nga gisuportahan usab sa mga miyembro sa IEA niadtong Marso 11, 2026.
Ang Japan nagpahibalo usab nga magpagawas sila og mga 80 milyones ka drum sa lana gikan sa ilahang emergency reserves.
Samtang, ang suplay nga ipagawas alang sa Europa ug Americas magsugod pa lamang sa katapusan sa bulan sa Marso.
Tumong sa pagpagawas sa oil reserves nga maghatag og “buffer” o proteksyon sa global nga suplay sa petrolyo aron malikayan ang sobra nga pagsaka sa presyo sa petrolyo sa kalibutan.
Kini nahitabo human maharang ang agi-anan sa Strait of Hormuz, diin moagi ang usa sa lima ka bahin sa tanang eksport nga lana sa kalibutan. Ang maong sitwasyon nagdala sa labing dako nga pagkabalda sa suplay sa petrolyo sa kasaysayan, nga hinungdan sa padayon nga pagsaka sa presyo niini.
