DAVAO CITY – Nanawagan karon ang Davao City based environmental group Interfacing Development Interventions for Sustainability (IDIS) ngadto sa tanan nga mga kandidato nga kinahanglan responsable ang mga nahisgutan sa ilang mga basura ug likayan ang pagbutang sa ilang mga campaign sa mga punoan nsa kaho nga mamahimong makadaut sa kondisyon sa mga punoan sa kahoy.
Subling gipasabot sa grupo nga ang mga election advertisement banners nga gama sa plastic ang dili dali nga matunaw bisan paman ug ilubong ug mamahimong magpagawas sab kini ug toxic materials sa higayon nga sunugon.
Nagtoo sab ang IDIS nga ang single-use plastic waste nga gigamit sa pagpangampanya ang mamahimong makabara sab sa mga drainage, makaon sa mga latagaw nga hayop ug mamahimong hinungdan sa land, ug water pollution nga maoy hinungdan adverse impact ngadto sa panglawas sa tawo ug sa kinaiyahan.
Sumala pa kang Lawyer Mark Peñalver, IDIS executive director nga ang pagkatag sa mga campaign materials ang sagad nila nga suliran ilabi na kung magkaduol na ang election period.
Nasayran sa nahisgutan nga adunay mga balaud karon nga mamahimong ipahamtang sa mga makalapas sa pag-protekta sa kinaiyahan.
Nanawagan sab ang nahisgutan sa tanan nga mga kandidato nga limpiyohan ang mga campaign materias, moduag man o mapildi sa eleksiyon.
