DAVAO CITY – Gikanayon ni Dr. Ricardo Audan, hepe sa Southern Philippines Medical Center (SPMC) nga kung magpadayon ang subling pagsaka sa kaso sa Covid-19 , hayan nga maapektohan na sab ang uban nila nga serbisyo partikular na alang sa mga non-covid 19 patient.
Una ng namatikdan nga misaka karon ngadto sa 56 percent ang utilization rate sa ICU ug ward beds alang sa mga pasyente nga natakdan ug covid.
Nasayran sab kang Audan nga 85 porsyento sa mga covid-19 patient nga anaa karun sa SPMC ang susamang dili mga bakunado.
Bisan nga dili pa taas ang kaso karon sa mga naka-confine sa SPMC, gipahimangnoan pa gihapon ni Dr. Anabelle Yumang, regional director sa DOH-11 ang uban nga mga ospital sa rehiyon nga mangandam sa higayon nga paspas na ang pagsaka sa nga natakdan sa kagaw.
Kahinumduman nga gitudlong hinungdan sa surge mao ang pagtapok-tapok sa milabay nga holiday season.
