DAVAO CITY – Gumikan nga nagpabilin nga ubos ang kaso sa Covid-19 sa dakbayan sa dabaw, gikumpirma ni Dr. Ricardo Audan ang hepe sa Southern Philippines Medical Center (SPMC) nga miluaag ug halos 50% ang mga covid 19 bed capacity sa nahisgutang ospital.
Una ng gibutyag ni Audan nga sulod na sa tulo ka adlaw nasinatian sa ospital ang pagkaluag gumikan kay halos 50% na lamang sa ICU beds niini ang na-okupa, samtang 32% na lamang usab sa isolation ward beds ang na-okupar.
Samtang, gisuportahan usab ni Audan ang gipagawas nga executive order No. 20 ni acting mayor Sebastian baste Duterte diin epektibo sumala pa nga pamaagi ang mass testing aron paspas nga masubay ang mga covid positive patient ug dili na makatakod ngadto sa uban.
Bisan pa man niini, gipamugos lamang gihapon ni AUdan nga dili angayang mokompiyansa gumikan kay dili matag-an ang panahon.
Hinuon, kung inkaso matud pa nga subling mutaas ang kaso sa Covid-19 sa syudad, andam matud pa ang SPMC nga mo akomodar niini hinungdan nga daghan sab ang bed capacity sa nahisgutang balay tambalanan.
